Tatarstan Rossiya Federatsiyaseneñ üzägendä könçığış Evropa tigezlegendä, ike iñ zur elğalarnıñ (İdel häm Kama) quşıldığında urnaşqan. Qazan Mäskäüdän könçığışqa taba 797 km. eraklıkta tora.

Respublikanıñ mäydanı 67836,2 kv. km. Territoriyaneñ ozınlığı tönyaktan könyakqa 290 km., könbatıştan könçığışqa 460 km. Çit il däülätläre belän çigebez yuk.

Respublika urman häm urman-dala tigezlege zonasında yata häm respublikanıñ 90% territoriyase 200 metrdan artık bulmağan diñgez bieklegendä urnaşqan.

Respublikanıñ 16% artıgrak territoriyase yafraklı (imän, yukä, qaen, usak) häm ılıslı (çırşı, narat) ağaçlar urmannarı belän qaplanğan. Cirle fauna 430 törle umırtqalı xaywannar häm yözlärçä umırtqasız xaywannar belän kürsätelgän.

Klimat - urtaça-qontinental. Qaywaqıtlarda qorılık ta bula. Ğıynwarnıñ (iñ salqın ay) urtaça temperaturası -14 gradus, iyulneke (iñ cılı ay) +19 gradus. Urtaça yawım töşem 460 tan 520 mm. qadär. Weğatatsiya çorı 170 könnän ğıybarät.

Tufraklar üzara aerılıp toralar - tönyak häm könbatıştağı sorı urmanlı häm kölsu tufraktan başlap, respublikanıñ könyağında törle qara tufrakqa qadär bar. Soñğıları böten mäydannıñ 32%ın täşkil itä.

Copyright: http://www.tatar.ru