1990 nçı yıldan başlap Respublikada
öç möhim dokument: Dawlet suverenitetı turında Deklaratsiya, Konstitutsiya
häm Rossiya Federatsiyase belän wäkalätlärne häm ike yakka da karagan
eşlärne tapşıru turındağı Kileşü kabul itelde. Dokumentlarnıñ
öçese dä xokuqıy bazanı ğına tügel, ä cämğıyatneñ säyasi totrıklığın,
iqtisadi reformalarnıñ nigezen täşkil itä.
2002 nçe yılnıñ 19 aprelendä
Tatarstan Dawlet Sovetı tarafınnan respublika Konstitutsiyaseneñ
yaña redaktsiyase kabul itelde. Konstitutsiyadä keşe, anıñ xokukları
häm irege iñ zur baylık dip iğlan itelä. Häm Tatarstan Respublikasınıñ
burıçı - keşe häm grajdannıñ xokukların häm iregen tanırga, ütärgä
häm yaklarga. Tatarstan Konstitutsiyasendä şulay uk gomumi saylau
xokuqı, süz häm wöcdan irege, säyasi partiya häm oeşmalarda katnaşu
mömkinlege kebek printsiplar urın algan.
2000 nçe yılnıñ iyunennän başlap,
Tatarstan Respublikası Konstitutsiyase buença, Tatarstan Respublikasında
keşe xokukları buença wäkil institutı eş itä.
Tatarstan Konstitutsiyase zakon
çıgaru, ütäü häm sud xakimiyatläreneñ aerım-aerım buluı printsipları
urın algan.
Tatarstan Respublikası dawlet
başlığı häm iñ yugarı urındağı keşe - Prezident. Ul Tatarstan Respublikasınıñ
dawlet idaräse organnarı sistemasına citäkçelek itä häm dawlet
xakimiyateneñ başkaru häm boeru organı - Ministrlar Kabinetı eşçänlege
belän idarä itä. Ministrlar Kabinetı Prezident aldında cavaplı.
Premyer-ministr kandidaturası Prezident täqdime buença Tatarstan
parlamentı tarafınnan raslana.
Ber palatalı Dawlet Sovetı (parlament)
√ Tatarstan Respublikası dawlet xakimiyateneñ wäkillekle häm zakon
çıgaru iñ yugarı organı.
Cirle üzidarä üz wäkalätläre
eçendä möstäqıyl. Cirle üzidare organnarı dawlet xakimiyate organnarı
sistemasına kermi.
Copyright: http://www.tatar.ru
